今朝因為媽咪要去醫院做身體檢查, 所以只得我帶Zita返學。食完早餐之後, 我地就一齊上左一個鐘課！今日真係大開眼界, 因為三十年前自己晌幼稚園上堂既記憶基本上係零。但係今日陪阿囡返學, 一齊唱歌跳舞, 一齊玩遊戲, 忽然覺得好似有番少少童年回憶! TaTa今日既表現都唔錯, 每次要排隊去禮堂或者課室時, 佢總係最興奮, 一支箭咁衝到最前面既一個。就係因為咁, 晌一個toilet break既時候, 竟然唔見左佢, 攪到我搵左一輪, 廁所又唔見, 課室又唔見! 晌我懷疑佢會唔會離開左學校既時候, 另一班既老師就拖住彈下彈下既TaTa返黎喇! 真係俾佢激死! 另一個攪笑位就係佢地玩parachute既時候, 佢唔俾其他小朋友拉高塊布, 一定要拉低; 到老師同家長拉高塊布, 叫小朋友走入塊布下面既時候, 佢就一支箭咁衝左過對面, 仲將一個從佢右面跑出黎既小妹妹彈開左! 真係估佢唔到咁勁! 而今日茶點就食果jam三文治同奶奶, 佢仲添飲左一小杯! TaTa聽日就要自己上堂喇, 妳要俾心機!!
沒有留言:
發佈留言